دكتور احمد سمير و جروب No Zero Days

دكتور أحمد سمير طبيب بشري ، متخصص في التعليم الطبي بجامعة المنصورة .

حاصل علي ماجستير التعليم الطبي من جامعة ماستريخت بهولندا ، و حاصل علي ماجستير إدارة الأعمال .

في عام ٢٠١٨ بدأ دكتور أحمد سمير إنه يعمل خطة لإنقاذ آخر ٩٠ يوم في السنة من خلال جدول مهام ، كل يوم بتعمل مهمة صغيرة .

محتويات المقالة عرض

من هو دكتور أحمد سمير

دكتور أحمد سمير طبيب بشري ، متخصص في التعليم الطبي بجامعة المنصورة .

حاصل علي ماجستير التعليم الطبي من جامعة ماستريخت بهولندا ، و حاصل علي ماجستير إدارة الأعمال .

المبادرة دي نجحت و لاقت صدي عند ناس كتير و ده كان دافع لـ إنه يكمل في عام ٢٠١٩ و ٢٠٢٠ و ٢٠٢١ في المبادرة دي بخطة لمدة ٦٠ يوم .

و دكتور أحمد سمير عنده شغف كبير فـ إنه يساعد الناس علي تطوير ذاتهم و التخطيط لأهدافهم ، فـ حب إن المبادرة بتاعته تكبر و عملنا جروب No zero days و هدفه إن ميكونش عندك يوم زيرو في السنة ، و الجروب الحمدلله لاقي صدي عند ناس كتير اوي و بفضل الله هو ناجح إلي الآن ، والجروب ده كان سبب في تغير حياة ناس كتير اوي و أنا منهم .

جروب No Zero Days

اسم الجروب ” No zero days “

من اسم الجروب هتعرف هدفه، الهدف أنه ينقذ يومك من ال zero، مفيش يوم هيعدي من غير معلومة جديدة.

أسسه دكتور أحمد سمير.

طب أنا بشوف تاسكات بتنزل بتعرفو منين؟

تعالى هقولك بص يا سيدي

كل يوم جمعة دكتور أحمد بينزل بوست فيه جدول التاسكات وشرح كل يوم هنعمل ايه في التاسك ونكتب البوست عن ايه.

الجدول ده بنلاقيه فين؟

أول ما تفتح الجروب هتلاقيه موجود في البوستات المثبتة.

طب أنا مش عاجبني وعايز حاجه تقولي هعمل كل يوم ايه هقولك سهلة وبسيطة

في قناة تلجرام بينزل عليها بالليل هنعمل ايه في اليوم ده يعني مثلا يوم الأحد تاسك اسمه حسن الظن، يوم السبت بالليل بينزل على التلجرام شرح التاسك وهنعمل فيه ايه.

خلاص أنا فهمت كل حاجة أنا نزلت البوست ومتقبلش أعمل ايه؟

بص يا سيدى الجروب عدده كبير جدا وعلطول بيكون فيه ضغط على الأدمنز فممكن البوست بتاعك يتوه في النص من كتر البوستات، يعني بيكون خطأ غير مقصود.

البوست قعد كتير ادخل كلم حد من الأدمن وهما هيقبلوه علطول كلهم بلا استثناء تعاملهم لطيف جدا بس مش معنى كده أنك تكون لسه منزل البوست من خمس دقايق وتكلمهم هما بشر زينا مش روبوت.

طب أنا هستفاد ايه أصلا لما أشارك؟

هقولك جملة بحبها أوي ” النجاح مُعدي”

وجودك هما في حد ذاته استفادة، محاط بناس مبدعة ومثقفة هتلاقي نفسك دايما عايز تتطور من نفسك.

لو نفسك تسيب أثر طيب وتفيد غيرك، هتقدر تعمله من خلال مشاركتك صدقني هتفرح أوي لو ضيفت لحد معلومة.

لو كل ده لسه مقتنعتش هقولك كفايا الصدقات اللي هتتعملك وأنت قاعد في بيتك، الصحبة الصالحة اللي هتعرف عليها وتلاقيها بتشجعك، كمية الطاقة الإيجابية اللي هتطلع بيها في اليوم كفيلة أنها تخليك شخص تاني.

فكرة أصلا أن في تاسك لازم تعمله كل يوم ده بيعملك الإلتزام والاستمرارية.

غير إنك لو شاركت في التاسك فرصتك هتزيد إنك تكسب هدايا.

طب أنا نزلت البوست ومجابش ريتش معنى كده أن البوست وحش صح؟ أنا همسحه.

تمسح ايه استنى هنا الريتش ده بيبقى حظ يعني يوم عالي أوي وعشرة لا

لو حد واحد شاف البوست بتاعك واستفاد منه ده إنجاز كبير وفي الآخر هيبقى في ميزان حسناتك فاهدى كده تمسح ايه.

بالمناسبة أنا بقالي ١٤٠ يوم متواصلين بعمل التاسكات، تخيل ١٤٠ يوم بنقذ يومي من ال zero مش حابب تطلع من الكومفورت زون وتنقذ يومك زيي؟

وبس كده أنا خلصت….