اتعلم اكسل من الصفر لحد الاحتراف | كورس excel اون لاين مجاني 2022
في المقال دا هوفرلك مصادر تقدر تتعلم من خلالها excel من الصفر للاحتراف مع ترشيحات لمسارت تعليمية كاملة مناسبة لكافة المستويات عشان تقدر تتقن التعامل مع البرنامج
وباختصار هتطلع من المقال دا وانت عارف الاتي
1. أهمية البرنامج وليه أصلا محتاجين نتعلمه
2. مصادر شرح البرنامج للمبتدئين
3.افضل المصادر اللي تساعدك في انك تتعلم من الصفر لحد الاحتراف
4. وأخيرا كورسات عربي وانجليزي مميزة في تعلم الاكسل
أهمية برنامج الاكسيل وليه أصلا محتاجين نتعلمه
برنامج الاكسل باختصار هو برنامج لجدوال البيانات ضمن برامج مايكروسوفت اوفيس الشهيرة
وبيساعدك في إنشاء جدوال وخطط وبرامج ورواتب وبيساعدك في تنسيقها عشان تقدر تحلل البيانات بشكل أفضل وتاخد قرار مدروس بشكل صحيح
وتقدر تستخدمه كمان عشان تتابع البيانات بتاعتك وتعمل من خلالها نماذج تحاليل دورية
وتقدر تكتب صيغ عشان تعمل عمليات حسابية عن طريق البيانات دي
وأخيرا إدارة البيانات بطرق مختلفة وإظهارها في عدة مخططات تظهر لك بإحترافية
والكثير والكثير اللي هنشرحه بالتفصيل في المقال دا فكمل معانا للاخر
الأسباب اللي تجعلك تتعلم excel الاكسل الاتي
1. مهارة تعلم البرنامج أصبحت مهارة ضرورية ومطلوبة في أغلب المجالات
2. من المهارات الأساسية اللي لازم تكون موجودة عند كل واحد في العصر التكنولوجي دا
3.أغلب الشركات والوظائف المتاحة بتتطللب معرفة وخبرة بالبرنامج
4.البرنامج هيساعدك علي تنظيم عملك ومهامك بشكل أحسن وأفضل
5.لو أتقنت البرنامج ممكن يكون فرصة لرفع مرتبك
6.تقدر تعلمه للناس من خلال كورسات مدفوعة ويكون مصدر دخل ليك
7.تقدر تضيفه في الCv بتاعك عشان يقويه ..
- الأسباب دي كافية لإنك تتعلم ؟
- لو إجابتك ايوة فا يلا بينا ما نضيعش وقت وندخل علي مصادر تعلم البرنامج علطول
-
كورس اكسل كامل من الصفر علي اليوتيوب
1.اتعلم اكسل في فيديو واحد علي اليوتيوب
اليوتيوب ياصديقي هو واحد من أفضل الأماكن للتعلم منها في أي مجال وما فيش خلاف علي كدا
وبعد البحث عن أفضل المصادر العريبية الموجودة علي اليوتيوب اللي تقدر تتعلم منها ببلاش وبإتقان جبنالك المصدر الجميل دا وهو عبارة عن فيديو رائع يساعدك في تعلم البرنامج من الصفر لحد الاحتراف في فيديو واحد
2. شرح الاكسل excel للمبدتئين | الكورس الكامل في يوتيوب
كورس محمود خليفة يعد من افضل الكورسات اللي موجودة علي يوتيوب وميزة الكورس دا انه باللغة العربية ومجاني بالكامل
الكورس بيتم شرحه بمستوي يناسب الشخص اللي ما يعرفش أي حاجة عن البرنامج
الكورس مكون من 25 فيديو
الكورس بيشرح البرنامج من الصفر لحد المستوي المتقدم
3.-حازم حسن لتعليم
حازم حسن عامل قناة بتقدم محتوي كامل لشرح البرنامج مكون من مجموعه مراحل من الصفر حتي الاحتراف تقدر تشوفهم وتتعلم البرنامج وانت ف بيتك.
اتعلم اكسل excel من الكورسات الاون لاين المجانية
في الفقرة دي هرشحلك افضل الكورسات الاون لاين المجانية المتاحة لمساعدتك عشان تتعلم البرنامج من الصفر للاحتراف
1. مسار تعليمي للاكسل excel علي منصة كورسيرا
التخصص دا والجامد جدا بس باللغة الانجليزية مقدم علي منصة كورسيرا من جامعة ماكواري
التخصص دا هيساعدك في انك تتعلم مهارات البرنامج وتتقنها
الخبر السعيد في الموضوع دا انه متوفرة ترجمة باللغة العربية ومجاني بالكامل
وتقدر تاخد أي كورس بشكل مجاني من علي كورسير حتي لو هو بفلوس عن طريق الدعم المالي
وتقدر تستخدم شهادة الكورس وتحطها في الcv بتاعك
التخصص دا مكون اربع كورسات وبييبدأ معاك من الصفر للإتقان أو الاحتراف في الاكسيل وفيه أكتر من 40 ألف شخص استفادوا فيه ودا تخصص مميز وننصح بيه دايما علي منصة Coursera
2- كورس excel اون لاين مجاني 2022
كورس مجاني علي منصة udemy هيساعدك تتعلم اساسيات برنامج البرنامج وكل اللي انت محتاجه جهاز كمبيوتر عشان تطبق عليه وشكرا الكورس
الكورس في الوقت اللي انا بكتبلك فيه المقال دا استفاد منه أكتر من 500 ألف طالب ..متخيل الرقم
الكورس مجاني وبمجرد ما تسجل فيه هيكون متاح معاك مدي الحياة وتقدر ترجعله في الوقت اللي يناسبك ..
الكورس دا واخد تقييم 5 نجوم لاكتر من 50 ألف شخص
للحصول علي الكورس اضغط هنا
مواقع تعلم الexcel
1.موقع excel easy
ودا واحد من افضل المواقع اللي هتساعدك في تعلم البرنامج بسهولة ومجانية وللمبتدئين
وهيساعدك تعمل رسوم بيانية والكثير والكثير
2. موقع excel trump
لو عاوز تتعلم البرنامج بطريقة سهلة فالموقع دا هو الحل
هتلاقي فيه الكثير من الدروس المجانية لتعلم البرنامج وهتقدر تعمل جدوال وتنسيق خلايا والطباعة وتحليل البيانات
انتظر المقال القادم سيكون عن تعلم البرنامج بالعربي من منصات عربية زي رواق وإدراك وغيرهم ..اشترك في القائمة البريدية تحت عشان يوصلك كل جديد وخدلك لفة في الموقع هتلاقي كورسات مجانية في كل المجالات ومتقسمة ومتنظمة عشان ما تلفش كتير
بالتوفيق